Politika e privatësisë

Përditësuar më 18 shtator 2026

Kush përgjigjet për të dhënat tuaja

TENUIS LABORATORIES sh.p.k., NUIS L81904506I, me seli në Rr. Dytësore Maminas-Vorë, Nr. 20/38, Koxhas, Durrës, është kontrolluesi i të dhënave që mblidhen përmes kësaj faqeje, sipas ligjit nr. 124/2024 "Për mbrojtjen e të dhënave personale". Për çdo çështje na shkruani në info@tenuis.al.

Çfarë mbledhim dhe pse

Mbledhim vetëm aq sa duhet për t'ju përgjigjur.

• Formulari i kontaktit, email-i, telefoni dhe WhatsApp. Emri juaj ose i kompanisë, adresa e email-it dhe mesazhi. Numrin e telefonit e jepni vetëm nëse doni. I përdorim vetëm për t'ju përgjigjur dhe për të përgatitur shërbimin që kërkoni. Baza ligjore janë hapat para lidhjes së një kontrate, të ndërmarrë me kërkesën tuaj.
• Shënimet teknike të serverit. Adresa IP, ora e vizitës dhe faqja e kërkuar, vetëm për sigurinë dhe mirëmbajtjen e faqes. Baza ligjore është interesi ynë i ligjshëm për ta mbajtur faqen të sigurt.

Nuk i shesim të dhënat dhe nuk krijojmë profile.

Kush i sheh të dhënat

Vetëm punonjësit tanë që merren me kërkesën tuaj. Ofruesi ynë i hostimit dhe i email-it, me serverë në Bashkimin Europian, i përpunon të dhënat për llogarinë tonë. Autoriteteve ua japim vetëm kur na detyron ligji.

Sa kohë i ruajmë

Kërkesat që nuk çojnë në ofertë ose bashkëpunim fshihen brenda 6 muajve. Ofertat dhe komunikimet me klientët ruhen sipas afateve të legjislacionit tatimor dhe të sistemit tonë të cilësisë. Shënimet teknike të serverit ruhen sipas cilësimeve të ofruesit të hostimit.

Shërbime të jashtme

Shkronjat e faqes ngarkohen nga Google Fonts, dhe faqja e kontaktit shfaq një hartë të Google Maps. Në të dyja rastet shfletuesi juaj lidhet me serverët e Google, që ndodhen edhe jashtë Shqipërisë. Google sheh adresën tuaj IP, dhe harta mund të vendosë cookies të vetat. Butoni i WhatsApp-it ju çon te shërbimi i Meta-s vetëm kur e klikoni.

Google Analytics

Me pëlqimin tuaj përdorim Google Analytics për të parë sa vizitohet faqja. Pa pëlqimin tuaj ai nuk ngarkohet fare. Mbledh të dhëna të përgjithshme të vizitës (faqet e hapura, lloji i pajisjes, vendi i përafërt) dhe vendos cookies që ruhen deri në 6 muaj. Baza ligjore është pëlqimi juaj. Google i përpunon këto të dhëna edhe jashtë Shqipërisë, mbi bazën e klauzolave standarde kontraktore. Pëlqimin e tërhiqni në çdo kohë te lidhja "Cilësimet e cookies" në fund të çdo faqeje. Më shumë gjeni te Politika e cookies.

Të drejtat tuaja

Keni të drejtë të kërkoni qasje në të dhënat tuaja, korrigjimin, fshirjen, kufizimin e përpunimit ose bartjen e tyre, të kundërshtoni përpunimin dhe të tërhiqni pëlqimin në çdo kohë. Na shkruani në info@tenuis.al. Keni të drejtë të ankoheni edhe te Komisioneri për të Drejtën e Informimit dhe Mbrojtjen e të Dhënave Personale.